“المستلزمات الطبية”: سعر الكمامة أصبح بـ 2 جنيه
قال محمد إسماعيل، رئيس شعبة المستلزمات الطبية، إن الكمامات التي تُباع في إشارات المرور غير مضمونة، موضحا: «ولو ملقاش الماسك هيبيع لمون أو حتى زيتون، أو هيبيع أي حاجة، والكمامات دي ممكن تبقى كويسة، وممكن تبقى مش كويسة، لكنها مش مضمونة، والأفضل شراءها من الصيدلية».
وأضاف «إسماعيل»، في مداخلة مع برنامج «صالة التحرير» المذاع على قناة «صدى البلد» الفضائية، وتقدمه الإعلامية عزة مصطفى، الأربعاء، أن المستلزمات الطبية الخاصة بمواجهة ومكافحة فيروس كورونا متوافرة، وأسعارها انخفضت إلى 20%، عن أسعار المستلزمات الطبية في الموجة الأولى.
وأوضح: «يعني لو كان سعر الكمامة عشرة جنيه، وصلت النهارده إلى 2 جنيه، والصيدلية اللي تبيع الكمامة بأكتر من 2 جنيه بلغوا عنها.. وعندنا وفرة في إنتاج الكمامات تكفي لأبد الآبدين لأنه عندنا 180 خط إنتاج حاليا وكل خط ينتج 50 ألف كمامة على الأقل».
